關西遊2018

大阪輕鬆遊Day 1: 吳生style day 1晏飛，可以食埋過靚早餐先脂油出發，撞正香港機場廿週年有靚靚飛機蛋糕送，可以當tea食完先上機。

到著已經九點幾，出埋市區check in 埋十點半，剛好洒店有免費拉麵派，所以食埋先出發去驚安掃日用品，番到酒店沖埋涼，半夜點幾了 Z z z z!

大阪輕鬆遊Day 2: 無乜點訓過後起身食酒店早餐，之後今朝被安排分開活動，吳生番機場租車，我就獨自徙步往心齋橋再坐兩站地鐵去梅田阪神百貨淡路屋攞今天中午的便當，呢鋪中午有無飯食就睇我呢個路痴地鐡痴喇！

跟吳生分道揚標後，由洒店出發，由固力果開始去到心齋橋尾，沿途確認埋回程要重點行的商舖便落足眼力找地鐡入口，要問清楚坐那條線同確認那個出口，好彩和路在口邊，比原定開店時間早了15分鐘到，所以又做日本人至愛的動作：排隊。心諗，星期六一大早咁多人趕住買阪神食品街D野架咩？

成功買走預定便當，便憑記憶走回程路，回到心齋橋正式私人購物時間。一早已經決定去番上次到過的食品包裝店買靚靚食物紙袋，之後再把握吳生不在旁把100yen店殺過痛快，也找來一間文儀用品店買木製眼鏡架送俾吳生！

中午回酒店會合吳生及是次旅伴就正式展開旅程。

第一站：在車上食咗個因為落雨我攞到死死下的便當。

第二站：吳生至愛運動店零收穫。

第三站：平超買水買生果零食。

第四站：Aeon mall, 由於星期六加上風尾落雨，個個去晒行商場，等咗好耐先有車位。

第五站：上山神社民宿，本來有浴衣可以借出街影和街，但落雨告吹。今晚唔知點解民宿包印度料理，唔係我杯茶。

尋晩訓唔到，希望今晩和室可以大覺訓天光，民宿主人話明天4:15在房可以看日出🙏🏻！

大阪輕鬆遊Day 3: 昨晚早早在畳み就寢，所以今朝自然醒，精精神神！今天天氣十分好，所以把握食早餐前到民宿外的神社走走參觀，再回到民宿享用早飯，民宿主人把早飯每一碟的菜式都介紹一番，殘念聽不明白。

離開民宿後便趕行程：

第一站：AEon Mall shopping, 七月四周圍都大減價。

第二站：去西松屋買禮物俾三文治。

第三站：又番去奈良馬附近的運動店，吳生有收穫。

第四站：outlet 再併。

第五站：是晚溫泉旅館，湯の山溫泉，広大的和室，部屋早晚食，私人風呂，有嬸嬸鋪蒲団，二人共二萬二千yen，超值！

大阪輕鬆遊Day 4: 今天一早太陽伯伯叫醍，牙都未刷就跳咗落露天五佑衛門風呂浸一浸，然後再換上浴衣往旅館外散步拍照，隨後回房部屋早飯便落山離開旅館往今天行程。

第一站，水上樂園，成日好恨去日本水上樂園玩，因為好多設施都以為自己夠膽玩（今日咪知自己諗少咗囉。），吳生又諗多咗以為有大量三點式靚女sir滑梯時跌上裝，其實大部份人都會著防曬衣在外面，哈哈，有人好失望！入番正題，日本夏天日子短，水上樂園開放七月中至九月初，所以一直未有機會夾到時間入場玩，今次終於夾到，仲要加埋大陽伯伯開工先唔凍唔會冷親（因為去旅行病咗好麻煩呢！）

今日放膽玩咗好多sir滑梯，洗衣機滑梯，特長多圈滑梯，雙人黑嗎嗎滑梯，六人n個九十度轉圈滑梯等等，吳生有玩奬門人的水上過難關，仲有激流，人造浪，溫泉同海水浮漫步等。。。不過其實有幾樣玩完先知驚，我細膽鬼都係玩一次夠喇，叫做襯後生試過，已經同吳生講無下次！

第二站，水上樂園隔離的outlet又併。

第三站，路邊九洲拉麵店醫肚。

第四站，Aeon 超市買今晚吃的。

是晚入住Dormyinn，番去沖個靚涼再等酒店免費的夜鳴拉麵。

大阪輕鬆遊Day 5: 平生第一次食とみinn早餐，太過豐富，有鰻魚飯，說起都有點過分吧！

第一站：伊勢神宮及橫丁參觀光，遊日本老街及神宮當然要變身，謝謝導遊先生安排一間平靚正快變身館，三十分鐘搞點著裝同set頭，可以把握時間拍照呢！現在夏天，我揀了一件好夏日feel嘅浴衣，加埋太陽伯伯出山，D相靚到無得頂，當然唔少得導遊先生的功架啦！參觀伊勢神橫丁，不忙點了伊勢綠茶雪糕和松阪和牛串燒美味一番。

第二站：100yen 店輕鬆走一走。

第三站：夫婦岩拍照留念。

第四站：海女堤岸。

是晚入住海女營辦的民宿，享用伊勢龍蝦及大量海鮮：牛油燒鮑魚，魚刺身，海膽釜飯，喜知次。。。好好好好好飽呀！

大阪輕鬆遊Day 6: 海女民宿提供海鮮早餐，本來check out前想同海女主人合照先離開，但男主人話她已經外出去，殘念。

第一站：伊勢水族館參觀，大人1600yen入場已經包大量海𥚃動物合照，攬，錫，握手，佢整估你（拍水落你度），互動玩波波等，簡直超值，加多500yen還可以有海豹枕頭體驗（註：係你出錢，海豹訓你大脾，而唔係，你出錢，你訓海豹大脾呀！），玩咗成朝，好好玩！

第二站：道路休息站買手信。

第三站：又超市買飲品及生果。

是晚入住天婦羅民宿，晚餐自己天婦羅自己炸，有得玩又有得食，食物全部由民宿嬸嬸自家煮，好味又健康！民宿嬸嬸怕我們食炸野食到太熱氣，飯後更送上自家冰凍番茄撈給我們清熱！

大阪輕鬆遊Day 7 & Day 8: 天婦羅嬸嬸一早已經為我地凖備好早飯，昨晚在對話之間，嬸嬸知道我們今朝會去擇桃，她媽媽般的怕我們沿途肚餓，我們邊吃早飯邊問我們食完飯開班教我整飯團好唔好？有日本人親自教整正宗飯團，求之不得！於是嬸嬸即刻開班，今次我又學到野了。以為嬸嬸會一人預我地一個飯團當午餐。。。好客的嬸嬸最後做咗共四個飯團俾我地。。。應該因為我地一路食飯一路讚日本米好食吧！

早飯過後，跟嬸嬸道別便繼續行程。

第一站：親手摘桃，由於行錯路，所以遲咗半個鐘頭先到，不過好彩無其他客，我地又包場。每人可以摘兩個帶走，摘完可以任食D花咗皮嘅桃，皮花了但不選桃的品貨！

第二站：超市買少少野再連同嬸嬸飯團開餐。

第三站：Aeon mall 併呀！

第四站：Outlet 同吳生運動店。

第五站：Outlet 隔離酒店check in 。

今晚努力pack pack pack, 因為買得唔多，所以個零鐘搞掂，仲有空閒嘆生果。

Day 8: 返回地球，努力工作，搵錢再併過。