BBQ @ 上林

My lovely Grandma

北海道花花之旅2013

花花之旅 Day 1: 由於天雨關係，由香港至東京班機delay 咗一個鐘先起飛，導致東京至北海道程機剩餘一小時左右轉機，我們唯有放棄在成田機場堂食下午茶，外賣老麥，就加快腳步轉機。講開食，今次我初嘗訂特別海鮮飛機餐，份餐由空姐特別優先送上，仲寫我嗰名添，感覺好得意！

在東京機場等轉往北海道期間經過我至愛的時裝店 earth，不忙快買了幾條裙，再轉機去！

到 了北海道已經晩上八點，快回酒店check-in 及點收較早前訂了的Jelly Beans, 再落街吃個烏東面作晚餐！

 

花花之旅 Day 2：今日行程簡單但豐富，早上吃過酒店提供的早餐便乘JR往南千歲outlet 血併及午餐！用餐後乘JR返回札幌站的大丸地下食品街購買是晚，明早，午餐的便當，之後前往Bicamera 幫朋友看看要代購的相機。

下午五時，返回JR站，乘坐5小時特急JR前往網走，準備明天的鄉郊旅程！

好心有好報，在日本可搵到：話說我們二人訂的JR指定席不是排排坐，由於車程長達五小時，我們決定另排自由席排排坐位！當JR出發，我們發現有乘客沒有位坐，站在車廂與車廂之間，頓時醒起我們可讓出指定席的坐位給他們去坐，我隨意把指定票給了一位婆婆及一位中學小妹妹，估唔到小妹妹臨落JR，走過來送我們美味點心及連番多謝，好感動呀，好日劇feel ar!!!

 

花花之旅 Day 3 : 5點半起床，坐兩個鐘的JR及巴士，到達第一站花田-上湧別鬱金香公園，鬱金香花海顏色鮮豔，構成一幅美麗的圖畫！公園旁還有零落櫻花樹，真幸運！

第二站-大陽之丘公園，嘩嘩嘩！見到喇，一座油了粉紅色的山坡，靚到唔之點講，好粉紅，好感動！黎之前仲擔心今年北海道遲咗回暖而芝櫻開唔切，謝謝太陽伯伯呢兩日出盡力開工，令網走早兩天得五度天氣回暖到廿零度，小花花加快成長！

第三站-天都山，又因天氣遲了回暖，我好幸運還見尾水櫻花，一大片的櫻花樹，美！

三個景點後，返回酒店等待免費咖哩飯作晚餐，飯後再到附近的超市走走，補充明天繼續芝櫻行的午食！

 

花花之旅 Day 4 : 早上吃過酒店提供的免費早餐便乘坐巴士出發往芝櫻公園去！全巴士共有日本老夫婦一pair同香港夫婦兩pair(已包括我們）都是往芝櫻公園！

出發前從網上得知，巴士未能直達芝櫻公園，還需轉坐十分鐘的士才到步，所以吳生在早一天已前往觀光案內所book了來回的士。

在巴士上，日本老太太向我請教在那一個車站下車往芝櫻公園，我就跟她說，我們也是往那兒，跟我們一齊下車吧！

巴士到站後，三對夫婦都下車，而我們較早前book的的士也到了，的士司機連忙問誰是吳生，我們當然舉手報到！此時，原來另外的兩pair夫婦也沒有事先call的士，香港夫婦即上前問我可否跟我們車，但我眼見日本老夫婦比較＂論盡＂，而我之前又跟老太太說叫她們跟著我去芝櫻公園，所以唯有跟香港的夫婦說未能給他們跟車！到落的士時，老太太很感謝我們讓他們一起坐的士往芝櫻公園，說要給的士的費用呢，但我都係堅持share!

到芝櫻公園了，芝櫻大約已開滿七乘，已經比我們心目中開得多（因今年北海道遲了回暖），好滿足！

粉紅的，淡紫的，白的，深粉紅的芝櫻花海，加上粉紅色的鳥居，美麗極了！我們四處留影，還在芝櫻花海中享用午餐及品嘗季節限定的芝櫻軟雪糕，過了愉快的大半天！

參觀完芝櫻公園，便坐的士，巴士往酒店收拾行李，再坐JR往遠軽，準備明天旅程！

是晚找到一間地道居酒屋晩饍！

 

花花之旅 Day 5 : 夏天去北海道好見時間洗，日出四點，晩上八點天先黑齊，名符其實有早玩到晚！

今早六時起床，梳洗後，坐巴士由遠軽至紋別，再轉乘的士往海豹中心玩海豹！平日參觀的好處係比較少人，場內共有二十多隻海豹懶洋洋的躺著日光浴，一面疏乎的樣子，十分可愛！親親海豹後，再坐的士及巴士前往第二個景點。

第二站，滝上公園！繼續芝櫻山坡，一片片的粉紅小花佈滿整個山頭，十分壯觀！當然唔少得買一杯芝櫻軟雪糕，邊食邊欣賞芝櫻的美！

第三站，平民AEON 百貨商店濕平，在這些平民百貨，通常都執到平靚正貨，仲開心過行大丸呀！

晩餐走進一間食蟹及壽司店，點了一些燒蟹美食，正！

是晚酒店有溫泉提供，當然浸一浸，之後訓過靚覺啦！

 

花花之旅 Day 6 : 由紋別出發，坐巴士往遠軽，遠望一個千奇百趣嘅景點，大舊石上有個亭，哈哈！再轉乘JR向上富良野出發！

今日去日の出公園。五年前在這裡的wedding bell 拍攝婚照，五年後的今日從臨舊地，望著近的小黃菊芝櫻加遠的雪山景構圖，從做當年婚照動作再留影，感覺好浪漫！我當然不忙敲響wedding bell! 

留影過後，走回山下的超市補充明天飲料便當，便返回今晩休息的地方！

是晚住溫泉酒店，享用部屋夕食訓塔塔米，飯後稍作休息再浸浸溫泉，一整天的疲勞盡消，爽！

 

花花之旅 Day 7 : 參加吳生旅行團，日日轉酒店是家常便飯，難得今天唔洗轉酒店趕一早pack 行李，人都輕鬆D！

訓醒個靚塔塔米覺，吃過溫泉旅館提供的和式早餐，坐JR出發往美馬牛站！

到了美馬牛站，還要步行多半小時才到四季彩の丘！雖然天氣又熱又晒，好彩仲有少少風，否則我一定熱溶！

由於還未到花兒盛開的季節，今次到四季彩の丘主要目的是跟大稻草人拍照，親親羊駝及花田實地考察，為下次花田之旅作準備！

這裡有十六頭很可愛的羊駝，有白色，黑色和啡色，他們樣子笨笨呆呆，慢條斯理的走過來跟你要吃的，好攪笑呢！

玩過羊駝，拍攝過雪山加薫衣草，吃過美味牛油男爵焗薯，炸薯餅及薰衣草雪糕，正！

第二站，富田農場，繼續欣賞各種花花及來一個北海道哈哈瓜軟雪糕！

第三站，平民百貨 Super Center Bestom 中富良野店隨意濕平，D衫平到你唔信，大部份500 yen 一件！

完成今日行程，乘JR返回上富良野，吃過拉麵，回酒店休息！

花花之旅 Day 8 : 是日往小樽出發。能夠在浪漫の地慶祝跟吳生拍拖十一週年紀念，好感動！謝謝吳生精心安排！

一早由富良野乘JR經旭川往札幌去，先返札幌酒店安頓行李，再轉乘JR去小樽出發！

第一站，三角市場食最新鮮的魚生飯及燒海鮮作午餐，一個字＂鮮＂！

第二站，閉店商店濕平，D野又平又正，收穫豐富！

第三站，山中牧場店食厚牛奶雪糕，牛奶味超香！

第四站，手宮線跡地鐵路軌留影！

第五站，必到景點，小樽運河拍照！

第六站，小樽浪漫大街，拍拍拖，隨街吃夕張密瓜，燒帶子，螺，鮑魚，貝，當造的露旬，北海道男爵薯，粟米，好美味呢！（好飽）！臨別小樽前，再點一個哈密瓜連雪糕慶祝拍拖十一週年紀念日，perfect!

第七站，手稲站西友百貨繼續濕平及執紙皮箱！

第八站，Yodobashi，到吳生濕平時間！

第九站，回酒店吃杯麵，浸溫泉及覺覺豬，呵欠！

 

花花之旅 Day 9 : 今日係旅行中嘅小旅行。一早由札幌酒店出發往定山溪有水上樂園的溫泉酒店住番晚，好似D日本人去兩日一夜溫泉之旅咁，吳生旅行團的特色之一。既然兩日一夜，帶一隻細喼就夠，所以寄存兩隻大喼在酒店，明天先攞番。

拖著Kitty 細喼坐巴士出發，途經日語大放送曾介紹的動物園，我咁鐘意摸同餵小動物，一定唔會錯過去參觀下啦！呢個動物園好正呀，大部份動物都可以摸，可以餵，包括蛇，豬，獅子，猴子，狐狸，羊，小馬子，穿山甲，食蟻獸，袋鼠，水豚，鱷魚，企鵝，貓頭鷹，兔子，龜仔，斑馬，海獅...講唔晒（超級推介）。

在動物園玩完，再坐十分鐘巴士往定山溪溫泉旅館！下午兩點到達，先check-in 上房安頓，再換上水著往水上樂園去！

水上樂園大致分四個部份，露天溫泉加sir 滑梯，室內大型sir 滑梯加人造浪加大型水泡漫浮徑，Spa 和兒童角！我們先到露天溫泉浸浸及拍照，再租借大型二人水泡玩sir 滑梯，好刺激呀！再到大型水泡徑慢浮稍作休息，最後Spa再用馬油沖個靚涼! 通常溫泉酒店提供比較高級的沖洗用品，讓你試用後再到酒店小賣部購買，一個非上聰明的promotion ! 更聰明的我就梗係試用完之後唔買...住，去番平民薬房先買，平成一大折！:p

玩完水上樂園後，上房稍作休息，再落酒店食事處食buffet, yummy!

食完又上房休息消化，再到酒店夭台露天風呂邊浸邊數星星，北海道D星星又光又大粒，好靚呀！

今晚間酒店房好大好舒服，快快訓個靚覺，明天一早又浸個日出溫泉先！

 

花花之旅 Day 10 : 我懶訓豬好少可一早起身又去浸溫泉，除非個溫泉正加風景靚加沐浴露滑啦！定山溪呢間溫泉酒店就冇得頂！

一早六點半叫吳生摌我起身，面都唔洗就上天台望住定山溪浸個露天溫泉，爽！再享用酒店早餐buffet, 便乘酒店巴士番大城市札榥！好唔捨得離開定山溪，呢個地方好舒服，定山溪，I will be back!!

今日第一站，先到大通公園影紫藤及電視塔！再到地下街乘坐地下鐵！

第二站，場外市場lunch 及買手信！今日點了長腳蟹兩食，睇住活生生至BBQ熟，好新鮮！

第三站，食材超市，買咗D北海道產嘅食品番香港回味下！

第四站，大丸睇下Jelly Beans Shop，三越和丸井今井睇下Hello Kitty 野！

第五站，吳生的sport shop(近狸小路），哈，俾我搵到對made in Japan 跑步鞋！

第六站，狸小路薬房執藥！

第七站，地下商店街，最後濕平衝刺！

第八站，拉麵共和國食個拉麵作晩餐！

最後拖住一大喼戰利品返酒店！

 

花花之旅 Day 11 : 吃過酒店早餐，拖喼提箱往新千歲機場去！

到機場先安頓要寄倉的行李，之後再到3／F 叮噹館參觀，嘩！勁多野賣，如果係叮噹粉絲，必定大出血！之後再四周濕平！

血併過後，先坐內陸機到成田機場，今次轉機，寄倉行李直接由JAL代為轉至往香港飛機上，真好！

在成田機場點了個咖哩烏冬做lunch, 然後又去Earth 血併，哈哈！又買！

往香港程機繼續特別海鮮餐為是次旅程畫上完美句號！