夏日京郊遊2014
夏日京郊遊Day1: 一早從好天氣出發往機場去，閒日出機果然好好多，班機準時起飛兼早到番家郷，賺了！收齊行李過關檢時，海關人員問我點解帶三隻喼去觀光，明想我答for shopping 啦，唔係可以點答喎！
離開機場，先坐京成本線由機場往上野酒店settle down, 謝謝酒店員工一早幫手把較早前樂天網購的禮物搬到房間內，讓我一開門就見到好多禮物向來我揮手！
把行李安頓後，我們把握時間往登亭吃鰻魚飯再往吳生已入會（做會員有額外discount)的運動舖選購跑步用品備戰馬拉松！隨後再往平價超市補充明天小食飲料，又參觀麵包店看看唔同嘅麵包款，最後再往平價藥房購入是次行程的護膚防曬化妝品，由於落雨不太方便再周圍行，早點返回酒店享用私人家旅風呂便休息！
夏日京郊遊Day2：由於下雨加上一段唔愉快的小插曲，今早往神田明神影相的節目取消，改為在上野四周走走及往樂天熊仔麵包店吃樂天熊包包早餐！吃過早餐，途經電器店配了洗衣機零件便返回酒店裝身！今天午餐安排了往古堡餐廳（鄭伊健舉行婚禮的餐廳）享用米芝蓮法國餐補足拍拖十二週年紀念，餐廳規定要formal dressing,所以要裝身一番！
到達場地，在鬧市中有一座古堡建築，確實十分特別！餐廳職員先安頓我們的隨身行裝便着我們往洗手間整理，再帶我們往用膳的地方去！我們被安排在其中一角，面對着有心心草地的花園用膳，景觀十分不錯！我們點餐後，店員也很細心招呼及解釋每一碟美食的材料及醬汁細節，感覺良好。這裡環境舒適，食物美味，招呼一流，價錢超值，確實是一推介！
捧腹離開古堡，乘坐地鐵往涉谷去！先往Kitty Shop逛街逛，然後去排隊，（日本人最鐘意排隊），排甚麼呢？用了個半小時排Twin Stars Cafe! 原本短期Twin Stars Cafe 只營業至五月尾，但由於太受歡迎，店長決定延長至七月，我先好好彩有機會去朝拜一下！Cafe 食物飲料全都充滿Twin Stars 元素，教人捨不得把食物放進肚子𥚃！
吃過Twin Stars蛋糕後，我們在涉谷四處走走便坐地鐵回上野了！在返回酒店休息前，先往平超補充宵夜及明天自駕遊的物資飲料，便回酒店嘆私人家族風呂，好好休息！
夏日京郊遊Day3：吃過早餐，一早往租車公司取車正式展開自駕遊之旅！今次被安排了一架藍色的私家車，好吖，在停車場容易找呀！
離開上野往橫濱八景島去。今日唯一節目，往海洋天堂探白鯨及同場游水，由於白鯨十分長，所以比起同海豚游水（上次在城崎試過）的池深好多，落水前都有D擔心自己handle唔到，好彩今日同場有另一位日本人（比我大少少）一齊參加此活動，有個伴又安心好多，話晒聽唔明要做乜動作都有得照跟吖嘛！
此海洋天堂共分四部分，有戶外及室內水族館及海洋表演劇場等，在跟白鯨游水前，我們先四周走走參觀，跟企鵝和其他海洋動物say個Hi,再吃個飯團便往接待處等候安排跟白鯨游泳！
在等待室先聽工作人員講解安全手則及介紹池內各海洋動物的名後（其實我都係估估下工作人員講乜咋），之後佢叫我同另一位同游的日本人（下稱姐姐，因為比我大少少）從三隻白鯨，兩隻海豚和一隻黑鯨中選擇(我估咋！），我和姐姐都選了男性白鯨，因為男性白鯨個頭大D可愛D，（其實又唔知揀黎做乜，因為原來我地會安排同晒每一款都游一陣及拍照！）工作人員又教我們影官方照片時要配合的動作便下水了！
工作人員少少英文都不懂，著我指導白鯨發出指令簡直係雞同鴨講，好在有姐姐同游，工作人員先做一次動作叫白鯨唱歌，姐姐跟著做一次，再我跟著一㳄，包冇錯啦！估唔到隨了可以給白鯨發出指令，㩜住游水，仲可以坐在它們身上在水中奔馳，一個價錢包晒，好滿足呢！
離開海洋天堂，便駕車找便利用店醫肚。（出力游了一個小時，當然好肚餓啦！）下一站，鎌倉高校前拍攝Slam Dunk 景點，由於斜路關係，可同時看到馬路，海洋和鐵路，幾特別！之後又往平民超市補充飲料物資，吃過拉麵便返酒店浸浸温泉休息！
夏日京郊遊Day4：今日行程簡單：
第一站，先到箱根神社加富士山的必影拍攝位置留影。
第二站，穿著浴衣往九頭龍神社參拜，今次遇到兩個韓國人以為我係日本人要求合照！
第三站，fun2drive 睇頭文字D AE86.
第四站，御殿場outlet, 撞啱中期特價週，唔買都講唔通啦！
第五站，是晚落腳地，和室民宿連私人風呂休息！
夏日京郊遊Day5：話咁快已經到旅程的一半，今日主要在箱根活動！
第一站，大涌谷觀光及購買大涌谷名物，延命黑蛋！
第二站，秘景向富士山揮手，失敗了！
第三站，箱根仙石原LAWSON睇新世紀福音戰士賣物。
第四站，道路休息站，箱根峠留影！
第五站，箱根駅転博物館參觀！
第六站，平民超市補充糧餉！
第七站，小涌園玩水！
回酒店浸溫泉及休息！
夏日京郊遊Day6：吃過B&B酒店提供的新鮮出爐的麵包Buffet做早餐便起程再探富士山先生，今朝終於見到佢喇！然後離開箱根往熱海去！
今日第一站，親水公園拍照留影！
第二站，伊東道路休息站買地道手信派同事！
第三站，伊豆遊樂園玩入大波波在水上行，睇介紹以為濕濕碎，親身試先知連企懚在波波內也不容易！不過好好玩！買來wasabi 雪糕試下，味道怪怪的！
第四站，門脇吊橋留影！
第五站，伊豆熊熊及龍貓博物館參觀，這裡有架大大架貓巴士任坐，好開心呢！
第六站，是晚入住山卡拉民宿，民宿提供最當造的美食作晚餐！
夏日京郊遊Day7:
第一站，伊豆天城山迴轉式車路，話可以防震喎！
第二站，伊豆第一名暴（淨蓮瀑布），沿途還可以看到wasabi田！
第三站，自助入油體驗！半缸油共4000yen!
第四站，八木崎公園及大石公園看薰衣草花田！
第五站。公眾游泳池及露天風呂，每人710yen，個泳池好得意，唔洗用力游泳都會向前，自己負責呼吸便可，啱曬懶人！
是晚入住麵包民宿，這裡sell麵包體驗，可以跟民宿主人製作自家製麵包，晚餐每道菜也有麵包作主菜丶配菜，主菜為酥皮焗漢堡扒，精彩美味！
第一站，大大運動用品店參觀！
第二站，輕井沢outlet食燒和牛及參觀（因為完全冇買野）！
第三站，柳屋遊戲場玩懷舊彈玻子機！
是晩入住千與千尋卡通的四萬温泉油屋，有三百年的歷史，房間充滿懷舊木香，享用過晚飯後，到過館內有名的元祿の湯及露天風呂浸浸便休息！
夏日京郊遊Day9：由於四万溫泉嘅油屋D溫泉實在太靚，今早決定早起再享受下，一早六點起床，臉都未洗就去浸了！再享用埋油屋提供的早飯便離開，好好好好唔捨得離開！三百年歷史的油屋房間雖然沒有冷氣提供，但窗外有條河流，有流水聲，油屋的舊木香加涼風拌隨，整晚都訓得好好！
今日的車程十分長：
第一站：上榛名公園及榛名湖觀光和跟白馬車合照，這裡風景很美，空氣十分清新！
第二站：吃地道手打手切烏冬，店鋪門前放了很多白蘿蔔免費任攞，哈哈！
第三站：伊香保人形自動車博物館參觀，吳生睇車，我睇bear bear熊及懷舊商店街！
第四站：原田農園任摘任食日本車尼子普飛，D車尼子品種不同。細細粒，橙紅色的！
第五站：道路休息站上個toilet，吃了一份墨魚燒及買手信，排隊俾$時，收銀叔叔問我係咪中國人，哈哈，我答唔係，我係香港人，唔同的呢，收銀叔叔回：明白了！
第六站：平民超市買了熊本熊白米，吃過日本唔同地方出產的白米，始終至愛九州產，飯粒肥美香甜，跟得Den爸Den媽多，越食越嘴刁！
第七站：春日部Aeon Mall 濕平！
第八站：趕到甩褲夜晚十點前還車，是晩入住機場附近東橫in，間房有39m2，5700yen一晚，超值！（一般東橫in房間大約15m2）
夏日京郊遊Day10: 今朝一早由機場酒店出發往市民泳池（每人300yen）諗住游下水同Sir滑梯，點知撞正有半小時免費水中Aerobic班上，我冇蝕底咪跟，跳足半個半，攰攰攰，不過學到野，番香港可以試下！
第二站：幕張outlet，我去咗Triumph買特價野，2：59去俾$，sales叫我唔好郁企定係到一分鐘，我又唔明點解，咪問佢係咪show passport再有Discount,（因為外國人在Wacoal有額外九折），sales 姐姐又話唔係，我都唔知佢想點。。。之後過了一分鐘，2：30有個高級D職員走過來同我講OK，（我真係一頭霧水呀！）原來是日2：30做折上折，原本1500yen 加稅一套內衣，2：30開始折上折，2000yen兩套免稅，哈哈，sales 姐姐真好，叫我等一分鐘幫我賺多個discount,真開心！
第三站，幕張Super大 Aeon Mall，呢度大到唔知點行！
第四站，又俾吳生搵到個廿四小時平民百貨，結果又買！
第五站，番酒店pack 行李！
夏日京郊遊Day11：今日一早pack好晒行李上車最後半日遊！
第一站，自動車祈願神社，日本人真攪笑，自動車都要去神社祈福！
第二站，成田山神社，自動車祈完福，到我地去祈福。
第三站，又去行AEON!
第四站，sport用品店，藥房幫朋友執藥，最後叉燒拉麵做lunch！
第五站，還車，租車公司另外派人車我們連行李往機場！
全卷完！
posted by svenja @ 7:14 PM
0 comments
