My Rolex

幸福, 幸運

由細到大，我成世女都咁幸福同幸運！

 

細細個，因為未足月入幼兒園，但自己又堅持要出港島區讀書，好彩老豆左樸右樸，揾到間唔錯嘅教會幼稚園讀書！

 

到搵小學，我和爸爸老友的兒子一起去投考傳統老牌子一條龍學校，結果兩位小朋友都不被正選取錄，排在後補位置，爸爸老友有人仕關係，可安排一個小朋友入讀，爸爸老友考慮到這間一條龍中小學，小學就男女校，中學就全女校的關係，把這個靠人仕關係得到的學位讓了給我！

 

到咗中學會考，我又因會考成績不理想，要另尋預科學位繼續升學，又俾我好好彩，多得番開教會嘅牧師幫忙，又找到了預科學位！

 

上咗大專Year 1,諗住博一博，用大專Year 1的成績申報大學，又幸運地找到兩位教授叔叔幫忙贊寫recommendation letter, 終於完成大專Year 1就可轉到自己心儀科目的學位課程！

又因為同學介紹關係，識咗一個對我一心一意，照顧無微不至嘅好男仔，即係我依家嘅老公，陪我繼續我的人生旅程！
 

出黎做野，又多得表哥及契仔媽幫忙，一份工轉一份工，增加我嘅工作經驗！

 

為咗增加自己嘅競爭力，又諗下take 個master 增值下，又俾我搵到Degree 嘅department head 同 scorecard 之父嘅boss 寫recommendation letter, 一申請就有傳統名牌大學收我讀master!

 

到搞結婚，又俾我識到班好網友互相幫忙，老公嘅中學同學當婚照主攝，大學師兄二話不說當MC，中學老死當姊妹，大學老死當婚禮CEO,爸爸做酒店的朋友幫安排訂酒店午宴事宜，晚上酒席又有老公朋友幫手同酒樓打聲招呼，全日一切順順利利。

 

到新居裝修，又有同事介紹Designer, 一個開心價包全屋裝修設計，手工精細！

 

到參加旅行團，又俾我地識到一個好nice嘅導遊，仲做埋朋友，現在無論大大小小嘅旅遊問題都會請教佢！

 

到近期想買隻靚表戴下，居然又俾我醒起有朋友仔可幫幫忙，俾咗個開心價我，哈！

 

我真係感受到被幸福幸運包圍呀！

李鄭聯婚！